Balak ngayon ng Department of Education na i-review ang oras na inilaan sa pagtuturo para sa face-to-face classes.
Ayon kay Education Undersecretary Nepomuceno Malaluan nakatanggap kasi sila ng feedback mula sa guro na masyadong maiksi ang itinakdang oras sa pagbabalik ng in-person learning.
Sa kasalukuyan, tatlong oras lamang ang dapat itagal sa pagtuturo sa kindergarten students habang apat na oras naman sa mas mataas na grado hangang senior high school.
Sinabi ni Malaluan na makikipagpulong sila sa Department of Health para talakayin ang naturang usapin.
Aminado naman ang Education official na isa pa sa mga concern ng mga guro ay kung papaano pagsasabayin ang face-to-face classes at ang nagpapatuloy na distance learning.
