LEGAZPI CITY – Wara pa ki nareresibing feedback, reaksyon o reklamo an Department of Education (DEPED) Bicol hale sa mga magurang katakod kan pagbabalik kan school year calendar.
Segun kay DEPED Bicol Regional Spokesperson Mayflor Jumamil, magigin paborable sa mga magurang an pagpalit nin school year calendar huli ta sinda mismo an may kagustuhan o nag-request kaini na ibalik an bakasyon sa summer season.
Apwera pa kaini, may mga rason kun nata binalik an school year calendar – may mga estudyante kaya su boot na dai pwedeng masobrahan sa init dara kan summer season.
Dugang pa ni Jumamil, may pormal na pag-aadal na ginibo an Philippine Normal University mapadapit sa benefits sa mga kaakian kun ibalik an dating school calendar.
Sa ngunyan, matapos an pagklase sa bulan nin Mayo asin mabukas liwat sa Hulyo 29 2024.
