LEGAZPI CITY – Naghahalat pa sa ngunyan an Department of Education (DEPED) Bicol kun may ibababa na abiso an mga LGU na ipa-decamp an mga Mayon evacuees na nasa evacuation center.
Sa intrevista kan Brigada News FM Legazpi kay DEPED Bicol Regional Spokesperson Mayflor Jumamil, pigsabi niya na sa ngunyan kaya wara pa ki pigbaba na abiso na magpa-decamp na.
Ini na sana kaya an pighahalat nganing deretso nang magamit an mga klasrums sa kralasehan sa Agosto 29.
Segun kay Jumamil, igwa nin kasuguan si Regional Director Gilbert Sadsad sa mga concerned SDO asin schools o an mga eskwelahan na apektado kan bulkan na makipagkoordinar sa mga LGU na nakakasakop digdi.
Kun dai pa su boot posible na magamit an mga eskwelahan para sa in-person classes, inseguidang ma-shift sa alternative delivery mode kun sain pwedesir na gibuhon na modular an klase, alagad depende paman giraray ini sa magigin orolay orog na kun magdesisyon na an mga LGU na paurulion na an mga bakwit.
Mientrastanto, segun kay Jumamil, mas maray kuta kun ipapa-decamp na an mga bakwit nganing magamit na kan mga estudyante an mga klasrum sa in-person classes asin mapreparar na pag kinondosir an Brigada Eskwela sa masunod na semana.
