Presente nga ginaplano it Department of Environment and Natural Resources (DENR) ro pagpatuman it QR code system sa Boracay Island agud malikawan ro overcrowding it mga turista sa sikat nga tourist attraction.
Ginkumpirma man it DENR nga nakipagpueong eun sanda sa Department of Tourism (DOT), Department of the Interior and Local Government (DILG), Provincial government it Aklan, ag Municipal Government it Malay angot dikara
Kaekaip sa na-isturyahan sa nasambitanan nga pagpueong hay ro paggamit it QR codes sa contact tracing sa andang control program.
Nauna kara, nareport nga may natabo nga overcrowding it mga turista sa isla ku Holy week, kung siin nageampas ro numero it mga bakasyunista sa capacity nga ginasugtan it Department of Tourism (DOT)./JIL B. LACSON
