LEGAZPI CITY – Nangapodan an Department of Environment and Natural Resources (DENR) Bicol sa publiko na suportaran an conservation and preservation kan kapalibotan katakod kan month-long celebration kan Philippine Environment month.
Nagpapadagos ngunyan an mga interbensyon asin mga programa para i-address an nagdadakol na environmental challenges bako sana sa rehiyon kundi sa bilog na nasyon.
Segun kay Environmental Management Bureau (EMB) Bicol, an inisyatibang ini, sarong kapaagihan para protehiran an kapalibotan, kaya inguwahon na dai magin parte kan problema, kundi maging parte kan solusyon.
