Hugot karong nagpahimangno ang labaw sa Davao City Police Office (DCPO) sa mga sakop niini nga gamiton og sakto ang mga body-worn cameras sa matag operasyon.
Sumala kang Police Col. Kirby John Kraft, ang labaw sa DCPO nga anaa sa 16 ka mga body cameras ang anaa karon sa ilang buhatan nga gisugdan na sa paggamit sa ilang mga sakop.
Sigon sa opisyal dakong tabang ang maong himan sa pagpalig-on pa sa ilang mga police drug operations nga usahay madudahan sa publiko ang paagi sa operasyon.
Tanan matud pa nga station drug enforcement units sa DCPO ang adunay issued body cameras nga magsilbing ebidensya sa anti-criminality operations. BNFM-Davao
