Nagabalik bilang Punong Barangay si Hector Aguirre Casidsid it Yapak sa isla it Boracay matapos rayang maiproklamang nagdaog sa katatapos nga Barangay ag Sangguniang Kabataan Elections BSKE 2023.
Si Casidsid hay kumandidato para sa anang third and final term, ag gin pierdi nana ro anang gumankon nga si Sangguniang Bayan member Jhonnel Apio Casidsid, ag unga nana nga si Brian Gregorio Casidsid.
Bago ro barangay election, hay ginbasura it Commission on Elections (Comelec) ro disqualification case kontra sa nasambit nga incumbent barangay captain.
Samtang, nagdaug man si Jason Yap Talapian bilang barangay kapitan it Barangay Balabag, kung siin ginpierdi nana ro dating three-termer barangay captain nga si Lilibeth Coching Sacapano.
Napierdi man si incumbent Manocmanoc barangay captain Nixon Casimero Sualog sa anang reelection bid para sa ikaywang termino kontra kay dating Malay Councilor Danilo Gelito Delos Santos, Sr. // ANN DESLENE SALAZAR
