Gibutyag ni Police Regional Office-Davao spokesperson Police Major Catherine Dela Rey nga anaa sa napulo ang natalang biktima sa firecrackers o pabuto sa Davao Region.
Kini base sa talaan sa Department of Health (DOH).
Sumala ni Major Dela Rey nga dinhi sa dakbayan sa Davao, zero o walay natalang nabuthan sa pyro technics ingon man sa Davao Occidental.
Ang dunay pinakataas nga natala mao ang Davao De Oro nga dunay lima ka kaso, gisundan kini sa Davao del Norte ug Davao Oriental nga dunay tag-duha og isa sa Davao del Sur.
Sagad sa mga ginagamit nga pabuto mao ang kwitis, pla pla, lantaka, boka, wistle bomb ug 5 star.
Sa napulo nga nabuthan, upat niini mga menor de-edad.
