Ginsurender it dating rebelde ro anang homemade 12 gauge shotgun o mas kilaea sa tawag nga “pogakhang” sa mga tawuhan it 1st Aklan PMFC.
Ro nasambit nga ex-rebel nga residente it Brgy. Ma. Cristina, Madalag, Aklan hay Vice Squad Leader it Squad 1 sa idaeum it FGU (Front Guerilla Unit) halin it 1987 hasta 1998 nga nagsurender ag nag-avail it amnesty program ku 1998.
Matapos ro ginpatigayun nga Information dissemination on E-CLIP it 1st Aklan PMFC, ginsurender kara ro nasambit nga armas nga owa it bala.
Raya hay may kaangtanan gihapon sa inisyatibo nga “Armas Islan Bugas” base sa TKAL Program it PNP.
Ro armas hay gindaea sa Madalag MPS para sa documentation ag gin-turn over sa 1st Aklan PMFC supply PNCO for custody and safe keeping. / ANN DESLENE SALAZAR
