Darwa ka menor edad kag sangka babayi pilason matapos ginluthang sa sibalom

Pilason ang tatlo tanan ka persona matapos nga ginpangluthang sa Brgy. Pis-anan, Sibalom, takna las-12:00 sa kasanagon, Hunyo 16.

Ginkilala ang mga biktima kanday Mylene Talidong 41-anyos nga babayi, kasado,Alias jonjon, 16-anyos, nga lalaki, estudyante,Alias janjan, 17-anyos, lalaki, estudyante kag lunsay mga residente kang Pis-anan, Sibalom samtang ang suspek naman ang ginkilala kay Ronie Calacar, 36-anyos, kasado, foreman residente kang Brgy. Olaga, sa amo man nga banwa.

Sandig sa imbestigasyon, samtang nagapauli ang mga biktima naghalin sa namatyan kag nagapauli kun daad sa andang balay kang nakabati dya kang tatlo ka sunod-sunod nga lupok kag aksidente sanda kadya nga naigo sa nagkalain lain nga parti kang andang lawas.

Gilayon nga gindara ang mga biktima sa hospital samtang arestado naman ang suspetsado kang Sibalom MPS kag narekober ang 12-gauge shotgun (rifle type) nga wara kang nagakaigo nga dokumento.

Leave a Reply

Your email address will not be published. Required fields are marked *