Darwa ka engkwentro ang nagluntad sa tunga kang Philippine Army kag mga katapo kang rebelde sa Barangay Culyat, Valderrama, Antique.
Nagluntad ang una nga engkwentro takna las-9:50 sa aga kag ang ikarwa takna las-3:30 sa hapon, Lunes, Hunyo 10. Ginapahayag nagsumlangay kang militar ang mga katapo kang Komiteng Rehiyon-Panay (RHQ, KR-P) rason nga nagbaylohanay kang lupok nga naglawid kang 15 minutos.
Maswerte naman nga wara kang may napilasan sa bahin kang gobyerno apang wara pa makumpirmar kun may pilason sa mga rebelde. Narekober man sa lugar ang M16 rifle, M14, AK47, USB, handheld radio, medical paraphernalia kag personal nga kagamitan.
