Nagreport sa kapulisan ro 17-anyos nga dalagita nga ginkilaea nga si alyas Nene nga ginrape segun raya it anang 21-anyos nga chatmate sa Iloilo.
Base sa panaysayon it biktima, natabo ro insidente matapos makipagkita sa 21-anyos nga si Alyas Toto.
Ginsueang pa imaw it mga amigo ni Toto gamit ro motorsiklo ag gindaea sa liblib nga parte it lugar kung siin nagahueat ro anang chatmate ag sambilog pa nana nga amigo agud mahimo ro krimen.
Matapos ro insidente, ginhatod pa it amigo ni Toto si Nene pilang metro ro eayo sa andang baeay.
Insigida man nga ginreport it ginkanan ni Nene sa Anilao PNP ro natabo sa andang unga nga babaye.
Matapos maghiwat it operasyon ro mga kapulisan, naaresto ro ap-at nga akusado ag presente nga nakapreso sa Anilao PNP./JIL B. LACSON
