Nakapagtala ang Department of Health (DOH) ng 385 na mga bagong kaso ng COVID-19.
Ito ang unang beses mula sa nagdaang anim na araw na umabot sa 300 ang daily tally ng mga tinamaan ng virus sa bansa.
Dahil dito, umakyat na sa 9,533 ang kabuoang bilang ng aktibong kaso sa bansa.
Sa nakalipas na 14 araw, nangunguna pa rin sa may pinakamataas na bilang ng impeksyon ang Metro Manila na may 1,193.
Sinusundan ito ng Davao Region na may 415, Calabarzon na may 380, Northern Mindanao na may 269, at BARMM na may 207.
