Boluntaryong isinuko ng may-ari ang alaga nitong Burmese python (𝘗𝘺𝘵𝘩𝘰𝘯 𝘣𝘪𝘷𝘪𝘵𝘵𝘢𝘵𝘶𝘴) sa DENR Metropolitan Environmental Office-West (MEO-West) sa Maynila.
Ayon sa DENR, pinuntahan ng MEO-West ang bahay ng hindi pinangalanang may-ari ng sawa sa San Andres Bukid, Maynila matapos makatanggap ng tawag sa telepono hinggil sa diumano’y iligal na pag-aalaga ng ahas ng kanilang kapitbahay.
Bigong magpakita ng Certificate of Wildlife Registration (CWR) mula sa DENR National Capital Region ang may-ari kaya minabuti nitong isuko ang ahas.
Nilipat naman agad ng MEO-West ang ahas sa Wildlife Rescue Center sa Quezon City para sa pansamantalang pag-iingat.
Ang Burmese python ay isang uri ng exotic wild animal.
