Suportado it Department of Agriculture (DA) Region 6 ro panawagan it mga backyard hog raisers nga ipataas ro presyo it andang live stocks.
Matandaan nga ginaplano it mga raisers nga maghiwat it “hog holiday” bangud sa padayon nga pagnaba it bentahan it baboy sa merkado.
Kasunod kara, ginpahayag it DA nga tama eamang taasan ro presyo it kada kilo it live hogs bangud nagataas man ro cost production.
Gusto it mga hog raisers nga itaas ro presyo it live hogs sa P150 kada kilo halin sa presente nga presyo kara P125 hasta P130 kada kilo.
Naintindihan it DA ro kahimtangan nanda rason nga ginakilaea it taeatapan ro andang kinamatarong nga maakusoy it mas manami nga presyo./JIL B. LACSON
