Inaasahang darating bukas, June 10 si Department of Agriculture Secretary Wiliam Dar sa Rehiyon upang pangunahan ang paglulunsad ng mga proyekto ng ahensya sa iba’t-ibang munisipalidad sa Lambak ng Cagayan.
Isasagawa rin bukas ang roll-out ng Swine Repopulation, Rehabilitation and Recovery (Swine R3), credit at agricultural lending programs sa Isabela Provincial Capitol, City of Ilagan.
Pangungunahan din ng Kalihim ang ground breaking ng chicken brooding pen sa DA-Isabela Experiment Station sa Gamu, Isabela.
Maliban dito ay nakatakda ring bisitahin ni Sec. Dar ang Isabela Dairy Enterprise at warehouse na mayroong solar dryer na pinondohan ng DA-Philippine Rural Development Project, National at Local Government unit sa bayan ng Mallig.
Samantala, kasamang darating ng kalihim sina USec. for Livestock William Medrano, Asec. Noel Reyes at DBP President Emmanuel Herbosa.
