Nananatiling kumpiyansa at positibo ang Department of Agriculture (DA) sa ikinasang bakunahan hinggil sa African Swine Fever (ASF).
Ito ay sa kabila ng naitalang pagkasawi ng limang baboy na kasama sa unang batch na naturukan nito.
Ayon sa DA, lumabas sa kanilang imbestigasyon na meron ng umiiral na respiratory illness na hindi na i-report bago bakunahan.
Kaugnay nito, binigyang-diin naman ng DA ang kahalagahan ng biosecurity at tamang pag-uulat kasunod sa naturang naging insidente sa ASF vaccine administration.
Sa huli, tiniyak naman ng ahensya na pagsisikapan umano makahanap ng mga karagdagang supplier para sa bakuna kontra ASF.
