LEGAZPI CITY – Wara ki maeeksperyensyahang kakulangan sa supply nin bagas sa tahaw kan El Niño phenomenon.
Ini an tinawan-duon ni Chief Integrated Laboratories Division and focal person for DRRM and AMIA-Bicol Lorenzo Alvina, kun sain dawa na na magtama an phenomenon, dai man magkakaigwa nin problema pag-abot sa rice sufficiency huli ta rice-producing an rehiyon.
Mientras, pigklaro man ni Alvina na durante sa mahal na inputs o cost of production an paglangkaw sa presyo kan mga bagas ngunyan.
Dugang pa sa factors an alangkaw na presyo kan abono asin gasolina durante sa nagpapadagos na giyera sa pagultanan kan mga nasyon kan Russia asin Ukraine.
Saro sa mga nagigin problema an suway na desisyon kan mag-ibong na lado kun sain gusto kan mga paraoma na mahal an magin presyo kan bagas nganing makabawi man sa mga ginastos alagad para sa publiko dapat na hababa sana ini.
