‘Alam naming lugi sila’
Ito ang ginawang pag-amin ng Department of Agriculture (DA) kasabay ng unang araw ng pagpapatupad ng price cap sa presyo ng bigas.
Sa ginawang inspection sa ilang mga pamilihan sa Metro Manila, sinabi ni DA Senior Usec. Domingo Panganiban na batid daw nilang marami talagang nalugi rito lalo na ang mga maliliit na rice retailers.
Dahil dito, naglaan nga raw sila ng one-time, big-time na P15,000 na ayuda para sa mga maaapektuhang tindero ng mga bigas.
Kung maaalala, ang ilang mga retailers ay mas pinili na lang na huwag na munang magbenta ng bigas ngayong araw.
