DILI pasagdan sa Department of Agriculture sa Central Visayas (DA-7) ang mga hog raisers nga naapektuhan sa African Swine Fever (ASF) sa Dakbayan sa Carcar .
Ang opisina sa DA RD-7 nag han-ay na og programa ug migahin og budget alang sa repopulation nga ipanghatag puhon sa mga hog raisers ilabi na sa mga naapektuhan sa “culling” o pagpatay sa mga hayop. Ang Regional Office nagpahuwam usab og mga sakyanan ug mga ekipo aron sa pagpahigayon og disinfection sa tanang barangay sa Carcar.
Samtang matud ni Dr. Vincoy nga si Gobernador Gwen Garcia andam usab muhatag og financial assistance sa mga hog raisers nga naapektahan sa culling.
Kahinumduman nga nibisita sa Carcar ang Regional Executive Director sa DA 7, Director Angel C. Enriquez, Dr. Wilberto Castillo- Regional Technical Director for Research and Regulations, Dr. Raul Miguiño- Chief Regulatory Division, Dr. Daniel Ventura-ASF Focal, Dr. Ana Marie Migrinio- HADDL Chief, ug Dr. Meriam Lopez Vito -BAI, uban sa mga veterinarians sa Bureau of Animal Industry ug hepe sa Provincial Veterinary Office, Dr. Mary Rose Vincoy, alang sa sa pakigpulong. Sa maong pulong gisawhan ang lechon, chicharon ug kasahos sa carcar aron ipakita nga luwas kini nga kan-on.//Michelle Craste
