NANGHATAG ang Department of Agriculture o DA 12 og mga karnero sa lungsod sa Tupi.
Kini ang ilalom sa Livestock Program sa departamento pinaagi sa livestock production center.
Lakip sa gipanghatag sa DA 12 ang 6 ka mga Australian Dorper sheep sa Rural Agricultural and Horticultural Farmers Association sa Barangay Linan, Tupi, South Cotabato.
Sa gustong mag-avail sa nahisgutang programa, magsumite lamang og letter of intent ug endorsement gikan sa Office of the Municipal Agriculturist o OMAg.
Kinahanglan usab nga rehistrado ang asosasyon o kooperatiba ug rehistrado usab sa Registry System for Basic Sectors in Agriculture o RSBSA ang mga miyembro.
