Nagpahigayon og 24/7 monitoring ang City Transport and Traffic Management Office ug Ancillary Services Unit, kauban ang mga barangay authorities sa Bankerohan Public Market human gipatuman niadtong Hunyo 1 ang bag-ong traffic scheme.
Ubos sa 1/3, 2/3 sidewalk ratio, ang mga vendor gitagaan og one third sa sidewalk isip ilang displihanan samtang ang nabiling 2/3 ang alang sa mga pedestrians.
Gibutyag ni Reymar Bayato, Traffic Enforcer nga nadestino sa Datu Bago St. Bankerohan nga ilaha gyud gibantayan ang mga vendors 24/7.
Kahinumdoman nga sugod niadtong Lunes, nahawan na ang dakong bahin sa dalan sa bankerohan human gipatuman ang moang polisiya.
Dugang pa ni Bayato nga sa bagong traffic scheme, ana na sa 95 percent ang nahinloan sa nasangpit nga public market, duna may mga masinupakon apan pipila lamang.
Gipahinumdoman usab niini ang mga vendors nga tumanon ang maong scheme ug alang sa mga motorista, kinahanglan nga mubasa sa mga traffic signs.
