Gin-dismiss it Office of the Ombudsman ro criminal ag administrative complaints kontra kanday former Governor Florencio T. Miraflores, re-elected Vice Governor Atty. Renaldo M. Quimpo, former and reelected member it Sangguniang Panlalawigan bangud sa kawad-an it probable cause ag substantial evidence.
Ro mga ginpangaeanan nga respondent kaeakip sanday Miraflores ag Quimpo hay sanday reelected SP Members Nemesio P. Neron at Jay E. Tejada, SP member Ciriaco T. Feliciano it Liga ng Mga Barangay, SP Member Blessie D. Jizmundo ng Panlalawigan Pederasyon ng Samahan ng Mga Kabataan, Teddy C. Tupas it Philippine Councilor’s League, Aklan Chapter nga nailihir bilang 19th SP Member, ag former SP Members Emmanuel Soviet Russia A. de la Cruz, Lillian Q. Tirol, Ramon S. Gelito, Miguel M. Miraflores, Esel L. Flores ag Nelson D. Santamaria.
Ro mga complainant nga sanday Ignacio Yulo M. Dumalaog ag Victor M. Garcia hay ginkasuhan it kriminal ro mga respondents bangud sa pag eabag sa Section 3(c) of Republic Act No. 3019, or the Anti-Graft and Corrup Practices Act docketed as OMB-V-C- -19-0200 and administratively, for Abuse of Authority/Violation of Republic Act No. 6713 (Code of Conduct and Ethical Standards for Public Officials and Employees/Violation of Republic Act No. 7160 (Local Government Code of 1991).
Nag ugat ro nasambit nga kaso kontra sa mga respondent pinaagi it pagsalaye sa August 20, 2018 Resolution No. 2018-962 nga nagtao it pahanugot sa respondent nga kato hay si Gov. Miraflores, nga makipag-kasugot ag magsueod sa sangka contract of loan sa Development Bank of the Philippines (DBP) sa balor nga P1.053 bilyon nga may initial availment nga P153 milyon para sa mga proyektong pang-imprastraktura.
Nagapati ro mga complainant nga nagsabwatan ro mga respondent sa pagtaas it balor nga paga-utangon sa DBP nga nagtuga it kasamaran sa probinsya bangud sa pagkaiba sa ginbag-o nga balor nga P1.053 bilyon ag ro gintaeana/aktuwal nga kinahangean nga balor nga P153 milyon.
Gin insister it Ombudsman nga ginapahinugutan it resolusyon ro gobernador sa paunang availment eamang it P153 milyon ag ro masunod nga availment hay igapaidaeum pa sa pag-apruba it Sangguniang Panlalawigan.
Gindugang pa nga ro mga respondents hay owa nagpakita it pag eabag sa mga sueondanon it andang opisina ag owa man nagpakita it sobra nga paggamit it andang poder sa pag-isyu it Resolution 2018-962, rasun nga indi mahambae nga ro mga respondent hay nagpakita it Grave Abuse of Authority (Oppression) Violation of RA 6713/7160. / ANN DESLENE SALAZAR
