Pansamantalang sinuspende ng pamahalaang lungsod ng Pasig ang COVID-19 vaccination ngayong linggo dahil wala pa ring delivery ng suplay ng bakuna.
Ayon sa Pasig LGU, wala pa ring abiso mula sa Department of Health (DOH) kung kailan ulit magkakaroon ng delivery.
Sa oras na makatanggap na ng supply ng COVID-19 vaccine ang lungsod ay magkakaroon muli ng posting ng weekly vaccination schedule.
Samantala, nasa higit 93K cases ang kumpirmadong may COVID-19 sa siyudad ng Pasig at 15 rito ay aktibong kaso.
