CAMARINES NORTE- Umabot sa 82. 6 percent ang COVID- 19 vaccination coverage sa lalawigan ng Camarines Norte sa pagtatapos ng 2022.
Sa datos mula sa Provincial Covid- 19 vaccination operation center hanggang noong Disyembre 28, 2022 nasa 358, 680 ang nabakunahan sa target na 434, 382.
Nasa 325, 003 naman o 74. 8 percent ang fully vaccinated o nakumpleto na ang primary series habang nasa 51, 800 o 11. 9 percent ang nakatanggap na ng booster dose.
Ang pinakamaliit na bayan ng San Vicente ang may pinakamataas na bahagdan ng vaccination coverage na nasa 116. 3 percent.
Sa target population na 7, 740 nasa 8, 998 ang nabakunahan.
Ang Daet ay nasa 98. 8 percent na ang vaccination coverage. Sa target population na 78, 046 nasa 77, 102 ang nabakunahan.
Sinusundan ito ng Capalonga na nakapagbakuna na ng nasa 97. 7 percent ng kanilang constituents.
Nakapagtala naman ng 95. 6 percent vaccination coverage ang Basud at 93. 2 percent naman ang Talisay.
Ang nalalabing mga bayan ay mas mababa pa sa 90 percent ng kanilang target population ang nababakunahan.
Ang San Lorenzo Ruiz ay nasa 81. 8 percent, Mercedes 81. 7 percent, Labo 74. 1 percent, Jose Panganiban 73. 5 percent at Vinzons 72. 1 percent.
Dalawang bayan na lang sa lalawigan ang mababa pa rin sa 70 percent ang vaccination coverage.
Ito ay ang Sta Elena na nasa 69. 2 percent at Paracale na nasa 67. 5 percent
