Lumagpas na sa dalawang milyon ang bilang ng kaso ng COVID -19 sa bansa matapos maitala ang 14,206 new infections ngayong araw.
Ayon sa Department of Health (DOH), pumalo na ang total case count sa 2,003,955 habang umakyat na sa 140,949 ang active cases sa bansa.
Sa bilang na ito, 96.1 percent ang mild, 1.1 percent ang asymptomatic, 1.2 percent ang severe, at 0.6 percent ang nasa kritikal na kondisyon.
Umabot naman na sa 1,829,847 ang total recoveries, matapos na gumaling ang 18,754 pang pasyente.
Samantala, nasa 33,533 na ang kabuuang bilang ng nasawi sa nasabing virus matapos makapagtala ang bansa ng 86 bagong fatalities.
