Padayong nagsaka ang ihap sa mga nag-positibo sa coronavirus sukad kini niabot dinhe sa rehiyon sa Caraga.
Sa pinakauhaling datos sa DOH Center for Health Development- Caraga, moabot na sa kinatibuk-ang 9,820 ang nag-positibo diin 8,549 ang naulian, 920 ang pabiling aktibo, ug 351 na ang patay.
Alayon niini, padayong nag-awhag ang rehiyonal nga kadumalahan sa publiko pagsunod sa health protocol nga gipatuman sa goberno.
