Itinanghal na kampeon ang koponan ng Coron, Palawan sa katatapos lang na SPS Governor’s Cup Inter-Municipality 21u Basketball League 2023 final.
Ginanap ito kagabi sa compound ng PGP Convention Center, Capitol Compound sa Puerto Princesa.
Tinalo ng Coron ang bayan ng Taytay sa iskor na 78-74 sa Game 2 sa best of three Finals.
Sa huling labindalawang (12) segundo ng laro, naging dikit pa ang laban ng dalawang magagaling na koponan sa 76-74 pero hindi iyon naitabla ng Estrella del Norte.
Kaugnay nito, nag-uwi ang Coron ng P500k cash prize habang P300k ang premyo ng Taytay na 1st runner up.
