Magasugod na ang City Ordinances and Regulations Enforcement (CORE) Unit sang istrikto nga pagpatuman sang pila ka mga ordinansa sa syudad sang Roxas.
Sa isa ka sinapol, ginpanugyanan ni Mayor Ronnie Dadivas ang mga team leaders sang CORE Unit nga istrikto nga ipatuman ang Anti-Smoking/ Anti-Vaping Ordinance; Anti-Littering/Anti-Dumping Ordinance; Baybayon ko, Limpyohan ko Ordinance; kag Anti-Open Muffler Ordinance.
Magluwas sini ginpahanumdom man sang alkalde nga sa pihak sang istrikto nga pagpatuman sang nasambit nga mga ordinansa, kinahanglan ipaagi sa diplomasiya ang pagpanakup sa mga nagalapas sa sini nga mga kasuguan.
Nahibaluan nga matapos ang duha ka semana nga masangkaron nga information dissemination sa publiko angut sa apat ka mga ordinansa nga pagatutokan sang CORE Unit, magasugod na ang mga ini sa pagdakop sa mga madakpan nga nagalapas.
