Arestado ang isa ka wanted person nga construction worker matapos ginserbihan sang mga kapulisan sang warrant of arrest sa Pueblo de Panay, Barangay Lawa, Roxas City.
Ginkilala ang akusado kay Bernaldo Delos Angeles alyas ‘Neneng’, 37-anyos, residente sang Sitio Tambis, Brgy. Tiza, sining siyudad.
Ang warrant of arrest sa kaso nga robbery ang gin-isyu ni Honorable Lorencito Belo Diza, Presiding Judge, RTC 6th Judicial Region Branch 17, Roxas City kag napetsahan sang Marso 2, 2023.
Ginrekomendar naman sang korte ang piyansa nga P72,000 para sa iya temporary nga kahilwayan.
Sa karon, nagapabilin sa kostudiya sang kapulisan si Delos Angeles para sa nagakaigo nga disposisyon.//KMD Gicalde
