Naniniwala si Senate President Migz Zubiri na dumating na ang bagay na patuloy nilang iniiwasan – at ito ay ang pagkakaroon ng constitutional crisis.
Kasunod pa rin ito ng pagtutol ng Senado sa pag-amiyenda sa Konstitusyon sa pamamagitan ng People’s Initiative, pero patuloy naman ang suporta ng Kamara rito.
Sa isang pahayag, sinabi ni Zubiri na iniiwasan nilang magkaroon ng constitutional crisis, pero parang unti-unti na raw itong nangyayari.
Sabi pa ng Senate leader – umaasa raw silang huhupa na ang tensyon sa pagitan ng dalawang Kapulungan ng Kongreso.
