LEGAZPI CITY – Dawa pa na-revoke na an pigbubusol na pagbugtak nin dockyard facility sa Sula Channel sa Bacacay, Albay, nagpahayag man giraray nin ki sentimiento an Committee on Appropriations and Laws kan Sangguniang Bayan kan banwaan.
Pabor kuta si Coun. Atty. Bert Bermas, chairman kan komitiba, sa nasambit na resolusyon.
Sa intrevista saiya kan Brigada News FM Legazpi, sinabi niya, bako siya sarado sa mga economic and developmental projects siring kaini huli ta dakulang tabang ini para sa saindang banwaan na halangkaw an poverty rate.
Poko mas umenos 200 kaya na mga empleyado gikan sa banwaan an su boot kukuwaon kan Sta. Clara Shipping Corporation na saro nang dakulang katabangan.
Alagad, na-revoke an resolusyon susog sa nagin rekomendasyon kan BFAR na dakolang parte kan marine life an posibleng madadanyaran kun idadagos an pagbugtak nin dockyard.
Segun pa kay Bermas, dapat matinding pagtimbang an gibuhon asin maigot na pag-aadal an dapat isagibo para digdi.
