Padayong nanawagan ang Commission on election (Comelec)-XI ngadto sa publiko nga dili usikan ang panahon sa pagparehistro alang sa nagsingabot nga 2022 Presidential election.
Kini human gibutyag ni Atty. Gay Enumerables, Asst. Regional Director sa Comelec-Xi nga aduna na silay bag-ong schedule alang sa mga buot nga magparehistro.
Kung kaniadto half day nag muabli sa adlaw nga Sabado ang buhatan, karon himuon na lamang kining Lunes hangtud Biyernes.
Sigon sa opisyal nga dili na hulaton pa ang deadline sa Setyembre 30, 2021 ayha magparehistro sanglit sigurado matud pa nga dagsa ang mag tawo nianang panahona.
Samtang takda nga magpagula og guidelines ang Comelec alang sa campaign period sa mga kandidato nga musubay sa kasamtang health protocol ug guidlines sa health department.BNFM-DAVAO
