Hindi babalewalain ng Commission on Elections (COMELEC) ang insidente ng barilan sa kasagsagan ng filing ng certificate of candidacy (COC) sa Shariff Aguak.
Sinabi ni COMELEC Chairman George Garcia na pananagutin nila ang nasa likod ng nangyari.
Aniya, maghahain sila ng kaso hinggil sa bagay na ito dahil hindi ito maaaring palampasin.
Pagtitiyak pa ng poll body chief, hindi nila hahayaan na masaktan at manganib ang buhay ng mga local COMELEC officers.
