Tiniyak ng Commission on Elections na hindi na mararanasan sa 2025 elections ang mga problema na naranasan sa katatapos na halalan.
Aminado si Comelec Commissioner George Garcia na kabilang sa mga naranasang problema ngayong 2022 elections ang mahabang pila ng mga botante sa mga polling precinct at ang maraming VCM na hindi gumana nang maayos.
Giit ni Garcia na kung papalarin siyang nasa komisyon pa sa susunod na halalan ay hindi na siya papayag na muling maranasan ng sambayanan ang mga challenges na ito.
Una nang kinumpirma ni Garcia na umabot sa mahigit 1,800 VCMs ang nag-malfunctioned kahapon.
Aminado din siyang nagdudulot ng pagdududa sa integridad ng proseso ang mga ganitong problema pero iginiit niyang wala namang may gusto ng mga ganitong problema.#(LEO NAVARRO – MALICDEM)
