CAMARINES NORTE – Mahigit isang linggo pagkatapos ng Barangay at Sangguniang Kabataan Elections nagpaalala ang Commission on Elections sa mga kumandidato nanalo man o natalo na maghain ng kanilang Statement of Contributions and Expenditures (SOCE).
Ayon kay Provincial Election Supervisor Atty. Francis Nieves ang mga kandidato ay dapat maghain ng kanilang SOCE sa Office of the Election Officer bago o sa Nobyembre 29, 2023, o hindi lalampas sa isang buwan pagkatapos ng araw ng halalan.
Sigurado umanong ma- aacomodate na ngayon ang mga kumandidato dahil natapos na rin ang pag asikaso ng mga Comelec Offices sa honorarium ng mga guro.
Nagpasalamat din si Nieves sa mga guro at non- teaching personnel na nag silbi sa katatapos lang na BSKE.
