Magapatigayon kang off-site registration ang Commission on Elections (COMELEC) sa banwa kang San Jose de Buenavista kadungan kang pagselebrar kang Independence Day sa Hunyo 12.
Suno kay San Jose de Buenavista Election Officer III Johnna Catilo, magaumpisa ang registration kag application humalin las-8:00 sa aga tubtob 3:00 sa hapon.Ginahingyo man kadya ang mga Kabataan nga naga-edad 18-anyos sa Mayo 2,2025 nga magparehistro.
Samtang, ang Register Anywhere Program (RAP) para naman sa mga Antiqueño nga sagwa kang Probinsya, ang mahimo man nga ma-avail kag magalawid naman tubtob Hulyo 31. Ang intresado nga aplikante ang kinahanglan magdara kang ID kag birth certificates.
