ANDAM na ang Commission on Election (Comelec) GenSan alang sa subling pagsugod sa voters registration sa Pebrero 12, 2024.
Matud ni Atty. Sittie Papandayan Garangan, City Comelec Officer, molungtad hangtud sa Setyembre 30 ning tuig ang registration.
Dugang ni Garangan, ang unang tulo ka bulan sa ilang buhatan himoon ang voter’s registration apan sa sunod nga mga bulan, mokanaog na sila sa mga barangay.
Ang pagpahigayon og voter’s registration ang pagpangandam alang sa taliabot nga filing sa Certificate of Candidacy alang sa 2025 midterm election.
Awhag ni Garangan sa mga buot magparehistro nga moadto sa ilang buhatan mintras dili pa magguot ang mga tawo sa ilang opisina. I Richel Gubalani
