ABLI na ang Comelec Gensan nga modawat sa Statement of Contributions and Expenditures kon SOCE sa tanang kandidato sa BSKE 2023.
Sumala kay Election Assistant II Bai Zaguera Iskak nga human sa piniliay unya naproklama ang mga nidaug bisan kon wala pa nakapanumpa mamahimo na nga magduso sa ilang SOCE sa Comelec- Gensan.
Gipaklaro ni Iskak nga nidaug man o napildi obligado nga magdeklara sa ilang nagasto sa eleksyon lakip na sa ilang nadawat nga mga donasyon, ang dili makapasa sa ilang SOCE adunay penalty nga ipahamtang sa Law Department sa Comelec Manila, sama sa multa o kaha dili na makalansar pag usab.
Ang katapusan nga petsa filing sa SOCE sa Nobyembre 29 sa kasamtangan nga tuig.
Sa bahin ni Kagawad Antonio Talle sa Barangay Bula, wala na daw kini plano nga molansar sa sunod nga piniliay mao nga wala na usab kini plano nga moduso sa iyang SOCE. I Ver Diazon
