Nakasugat ug ginagmay nga problema ang Commission on Elections (COMELEC) Cebu City sa nagpadayon nga filing sa certificate of candidacy sa mga magpapili sa umaabot nga eleksyon.
Kini mao ang wala magkadima-o nga mga forms, diin adunay molansar ug Barangay Kapitan apan ang gi-fill-upan nga form alang sa pagka-Barangay Konsehal.
Gihulagway hinoon ni Atty. Ferdinand Gujilde, Election Officer sa Comelec-Cebu City North District nga ginagmay ra kini nga kakuli-an apan importante nga makoreksyunan dayon arun dili mausab ang posisyon nga ilang daganan.
Hugot nilang gibantayan ang mga forms sa Certificate of Candidacy ug ang ilang qualification, registered ba ug ilabi na sa SK kung underage ba or overage.
Samtang gipasabot ug balik ni Atty. Gujilde sa mga nakasang-at na og COC nga gidili na ang pagpangampanya ug magpa-abot na sa pagsugod sa election period.//
