LEGAZPI CITY – May pagiromdom an Commission on Elections (COMELEC) Albay sa mga botante para sa maabot na Barangay asin Sangguniang Kabataan Elections (BSKE) 2023 mapadapit sa vote buying.
Sa intrevista kan Brigada News FM Legazpi kay COMELEC Albay Provincial Election Supervisor Atty. Ma. Aurea Bo-Bunao, sinabi niya na dapat an mga botante magin parte sa pagbabago sa lado kan pulitika.
Kun may mahiling o personal na naeksperyensyahan an vote buying sa karampanyahan o sa mismong borotohan, dai na magduwa-duwa pang ireklamo o ipaaram sa mga otoridad.
Hagad niya su boot sa lambang botante an pagpartisipar kan mga ini nganing matuldukan an vote buying na kanser kan Pilipinas.
Boot sabihon, kun mareklamo man sana kontra sa kandidatong nagkokomiter kaini, dapat back-up-an ki affidavit o mga ebidensya.
Dugang pa ni Bunao, pwedesir man kuta an citizen’s arrest en kaso, alagad, delikado man para sa buhay kan botante kaya mas maray kun personal ining ireklamo sa mga law enforcement agencies.
Sa paagi su boot kani, matatabangan an barangay asin an nasyon para sa pagbabago asin pagprogreso.