Luwas ra nga nakabalik sa Cagayan de Oro – Macabalan warf ang barko nga Cokaliong shipping corporation samtang kini anaa na tunga-tunga sa dagat.
Ang MV Filipinas CDO nga gikan sa Cagayan de Oro mo byahe padulong sa Cebu, gi-ingong kalit matud pa hinay-hinay nga nasudlan og tubig dagat samtang anaa sa lawod sa Laguindingan Misamis Oriental.
Sigun sa inisyal nga pagsusi, aduna matud pay mga kargamento ang maong barko nga wala ma balanse hinungdan nga mitakilid kini samtang ga lawig sa dagat.
Alas-12 sayo sa kadlawon karon adlawa, luwas nga nakadaong balik ang MV Filipinas Cagayan de Oro sa Macabalan Warf ug gilayon nga na rescue ang 448 ka mga pasahero sa barko sa mga personahe sa Coast Guard Northern Mindanao ug Cagayan de Oro – Oro Rescue team.
Sa karon padayon pa ang gihimong imbestigasyon sa mga otoridad sa nahisgutang insidente samtang gipaningkamutan pa sa brigada news team nga makakuha og pahayag gikan sa Cokaliong Shipping.
