WALA pay desisyon karon ang Local- Inter Agency Task Force on Covid-19 kalabut sa giaprubahan resolusyon sa konseho sa pagtanggal na sa pagpatuman sa liquor ban sa GenSan.
Sa impormasyon sa gikan sa opisyal sa Local –IATF sa pulong nakalabay’ng semana migula nga konsidera nila ang pagtanggal sa implementasyon niini.
Pipila na ka semana ang milabay human giaprubahan sa konseho ang panawagan nga bakwion na ang liquor ban ug pagpamubo sa oras sa curfew. Apan hangtud karon wala pa nagpagula og bag-ong guidelines ang IATF kalabut niini.
Una nang, giangkon ni Dr. Fidel Peñamente, Presidente sa Philippine Medical Association (PMA) GenSan chapter nga dili sila pabor sa una mang pagpaluag sa restrictions kontra Covid-19. Kahibaloan nga nagpaabot og reklamo sa mayor ang grupo sa mga tag-iya sa resto bar sa GenSan nga sila ang wala nay pangbayad sa ilang renta ug daghang trabahante ang nawad-an og trabaho human naundang ang ilang operasyon. ( Richel Gubalani)
