Paga-usisaon sang lokal nga gobyerno sang syudad Bacolod kun bala yara sang nagakaigo nga permit ang mga tricycle nagabiyahe sa Progresso Village, Abada-Escay – Arao relocation site, Brgy. Vista Alegre kasunod sa natabo nga pagprotesta kag pag-barikada sang mga miyembro sang ARVISTODA nga nagapamatok sa dry-run sang electric jeep para sa pagatukuron nga green routes sa syudad.
Ginpahayag ni City Legal Officer Atty. Romeo Carlos Ting, Jr. kaso nga “grave coercion” ang mahimo paga-atubangon sang mga tricycle drivers kasunod sang ila sini nga pagpamalabag kahapon durante sa ginhimo nga ‘dry run’ para sa nasambit nga rota gamit ang mga e-jeepneys ginapanag-iyahan sang syudad.
Para kay Ting wala sang may ginlapas ang syudad nga layi sa pagpatigayon sang nasambit nga tikang kadungan sang pag-kwestyon sa mga drivers nga ginbutang na sa ila sini nga kamot ang pagpatuman sang kasugu-an.
Kun magapadayon sa gihapon ang pagpakatig-a sang mga tricycle drivers sa Purok Progresso Village 1 and 2 igapadakop na lamang ang mga ini, dugang nga pahayag ni Ting.