Maabu ro nagkanugon bangud owa nakasaksi ag nakatambong sa dag-unan nga Christmas lighting ceremony sa Kalibo Pastrana Park nga ginpatigayun kabii, Nobyembre 30.
Bago pa ro pandemya nga tuga it covid-19 hay ginatambungan eon raya it mga tawo bangud raya hay nagaserbi raya nga pag-eaum sa tanan rasun nga ginatawag rayang “Iwag it Kalibonhon”.
Nasayuran nga owa nagtao ro pamunuan it LGU Kalibo it ensaktong petsa it nasambit nga aktibidad para malikawan ro pagbuhos it tawo sa lugar ag makalikaw sa peligro it covid-19. / ANN DESLENE SALAZAR
