Umaasa ang Commission on Human Rights sa susunod na administrasyon na ire-recalibrate nito ang kanilang programa para maprotektahan ang karapatang pantao ng mga Pilipino.
Umapela si CHR Commissioner Gwendolyn Pimentel-Gana sa susunod na pangulo na baguhin na ang sistema ng kampanya laban sa iligal na droga ng outgoing administration.
Dapat din aniyang ipagpatuloy ang imbestigasyon sa mga pending na kaso ng human rights violations kabilang na ang mga alleged extrajudicial killings.
Bago ito, una nang inilabas ng CHR ang kanilang report na nagsasabing bigo ang administrasyon ni Pangulong Rodrigo Duterte naprotektahan ang human rights.
Pinalagan naman ito ng Palasyo at sinabing ‘rehash’ lamang o lumang tugtugin na ang mga alegasyon ng kumisyon.
#
