SORSOGON CITY – Patuloy ang Commission on Higher Education (CHED) Bicol sa kanilang pakiusap sa mga estudyante, mga faculty at staff ng mga paaralan sa kolehiyo na magpaturok na ng kanilang booster dose.
Sa pahayag sa Brigada News FM-Sorsogon ni CHED Bicol Focal Person for Vaccination and Face to Face Classes Program Dr. Pamela Viñas, sinabi nito na ito’y bilang bahagi ng paghahanda sa pagbubukas ng klase ngayong school year 2022-2023.
Binanggit pa nito na bagama’t hindi pa umano nirerequire ang full face to face classes, mahalaga pa rin ang pagiging bakunado hindi lamang para sa kanilang sariling proteksyon kundi maging ng kanilang mga pamilya.
Paghahanda na rin umano ito sakaling isasakatuparan na ang full face to face classes.
