Gikonsiderar gihapon sa Police Regional Office (PRO 7) nga malinawon ug hapsay ang tibuok Central Visayas bisan pa man sa pagpamusil-patay sa duha ka politiko gikan sa Sugbo ug Bohol, apil na ang kandidato sa pagkakapitan sa umaabot Oktubre 30 nga Barangay ug Sangguniang Kabataan Elections.
Matod sa tigpamaba ni PRO 7 Director General Anthony Aberin, Lieutenant Colonel Gerard Ace Pelare, nga medyo ubos ang crime rate sa Central Visayas kon itandi sa miaging mga buwan, timailhan nga luwas ang maong lugar.
Kini mao sila si Konsehal Anastacio Pacquiao sa Barangay Cansamoroy, lungsod sa Balamban, kinsa midagan sa pagka-kapitan sa barangay, ug si Konsehal Danilo Añora sa Buenavista, Bohol, sa Barangay Cangawa.
Matud ni Pelare nga ang kapolisan sa lalawigan sa Bohol ug Sugbo naningkamot nga masulbad sa labing daling panahon kining mga dagkong insidente.
Giawhag sab niini ang komunidad nga tabangan sila kung aduna silay kahibalo sa insidente.///
