-Reymund Titong
KABANKALAN CITY, Negros Occidental — Personal nga wala nagapati ang isa ka opisyal sang Department of Environment and Natural Resources – Community Environment and Natural Resources (DENR-CENRO) sa syudad sang Kabankalan, nga wala naga-release sang higko ang mga sugar centrals sa tubig.
Suno kay Forester Lucia Salazar, Supervising Ecosystems Management Specialist sang DENR-CENRO sa syudad, wala siya personal nga nagapati kag gina-question ang ginatawag nga “zero-waste discharged” sang mga galingan sang kalamay, sa gina-alegar nga wala ini naga paguwa sang higko nga tubig sa mga kasubaan.
Para kay Salazar, may naga guwa gid nga higko sa mga galingan, apang antis ini ma guwa sa mga tubo, naka-agi na ini sa water treatment para wala na sang baho kag indi toxic para sa mga isda kag iban pa nga yara sa suba.
Ang pahayag ni Salazar ang nag guwa, matapos nag guwa ang resulta sang water test nga ginpatigayon sang kapitan sang Baranagy 2, banwa sang Ilog, nga si Nicanor Lopez, sa diin nagapakita nga ang suba sa karun ang may mataas nga chlorine content, ukon ang chemical nga ginagamit nga bilang disinfectant.
Ginatudlo man ni Salazar ang resulta sang water test sa mga water treament facilities sa diin naga gamit sang chlorine kag mga agricultural practices.*
