Gibutyag sa Department of Veterinary Medicine and Fisheries (DVMF), nga wala sila masayod sa taho nga adunay ubang lugar sa syudad sa Sugbo ang adunay kaso sa African Swine Fever(ASF).
Kini pipila ka adlaw human gikumpermar sa Department of Agriculture Region (DA-7) nga adunay nadetect nga ASF gawas pa sa dakbayan sa Carcar.
Matud ni Dr. Jessica Maribojoc, pangulo sa Department of Veterinary Medicine and Fisheries sa dakbayan sa Sugbo nga ang Bureau of Animal Industry (BAI) sa DA-7 wala pay gipagawas nga updated nga mapa sa ASF sa Sugbo.
Una niini, niadtong Miyerkules gibutyag ni Dr. Daniel Ventura Jr, tigpamaba sa ASF sa DA- 7 nga adunay nakaplagan nga kaso sa ASF sa pipila ka mga local government unit sa Sugbo apan wala nila gipahibawo ang mga lokasyon niini.//
